ЧИЛАЗОДА БОБОХОН ЧИЛА
ДИРЕКТОРИ МУАССИСАИ ДАВЛАТИИ ТАЪЛИМИИ
"КОЛЛЕҶИ ТИББИИ Ш. ВАҲДАТ"
ЧИЛАЗОДА БОБОХОН ЧИЛА
ТАРҶУМАИ ҲОЛ
Чилазода Бобохон Чила санаи 20 декабри соли 1972 дар шаҳри Кӯлоб дар оилаи коргар ба дунё омадааст. Соли 1989 мактаби таҳсилоти миёнаи умумии №37- и шаҳри Кӯлобро хатм намуда, пас аз хатми мактаб ҳуҷҷатҳояшро ба Омӯзишгоҳи тиббии шаҳри Кӯлоб супорида онро соли 1993 бо дипломи аъло хатм намудааст. Соли 1993 ба факултаи «Кори табобатӣ» Муасисаи давлатии таълимии «Донишгоҳи давлатии тиббии Тоҷикстон ба номи Абӯалӣ ибни Сино» дохил шуда, онро соли 1999 бо дипломи аъло хатм намудааст. Соли 2001 курси ординатураи клиникиро дар кафедраи урологии Муасисаи давлатии таълимии «Донишгоҳи давлатии тиббии Тоҷикстон ба номи Абӯалӣ ибни Сино» гузаштааст.
Аз соли 2001 то соли 2011 ба ҳайси ассистенти кафедраи урологии Муасисаи давлатии таълимии «Донишгоҳи давлатии тиббии Тоҷикстон ба номи Абӯалӣ ибни Сино» фаъолият намуда, сипас аз соли 2011 то инҷониб дар Маркази тиббии «Мадади Акбар» ба ҳайси табиби уролог кору фаъолият менамояд.
Аз соли 2017 то имрӯз директори Муассисаи давлатии таълимии «Коллеҷи тиббии шаҳри Ваҳдат» мебошад.
Аълочии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Вазорати маориф ва илми Ҷумҳурии Тоҷикистон буда, бо қарори Комиссияи олии аттестатсионии назди Президенти Ҷумҳурии Тоҷикистон ба Чилазода Б.Ч. аз 26 ноябри соли 2019, №5 номзади илмҳои тиб дода шудааст. Донандаи забонҳои русӣ ва англисӣ мебошад.